ازاى تعملى الهامور سنجارى <فى الفرن>طريقه روعه

بسم الله الرحمن الرحيم

شراء الهامور
************
كلما كبرت سمكه الهامور كلما كانت احلى فى الطعم

اولا تنظيف السمك
*******************
1/ تطلبى من البائع تنظيف السمك سنجارى اى يفتحها وينظفها من ظهر السمك وليس من بطنه
2/ينقع السمك مع الدقيق والليمون وقليل من الخل وملعقتين ملح لمده نص ساعه

ثانيا التتبيله وهى سر نجاح الوصفه
***************************

ثوم +ملح +كمون+فلفل اخضر +حبايه طماطم كبيره +3لمونات كبيره +2ملعقه خل
ويتم فرم المجموعه كلها مع بعض

يصفى السمك جيدا ثم يشطف بالماء فقط
ثم يضع لدقائق بالمصفى ليصفى من الماء
ثم نضع عليه التتبيله ونتركه فى التلاجه حوالى ساعه

ثالثا/ تحضير مكونات الصنيه بالاتى:
****************************

1/فلفل رومى شرائح يستحب ان يشكل بين الوان الفلفل الاحمر والاخضر والاصفر
2/حبه واحده طماطم تقطع شرايح
3/حبه واحده بصل كبيره تقطع شرائح
4/حبيتن ليمون تقطع شرائح

نخلط الخضار السابق مع اضافه الاتى

5/ملح +كمون + معلقه صغيره بهارات سمك لو حبيت

6/ نحضر صنيه تسمح بوضع السمكه فيها مفتوحه
ندهنها بقليل من الزيت
نرش جزء من خليط الخضار لنفرش به الصنيه ثم توضع السمكه بتتبيلتها السابقه كما هى ثم نرش باقى الخضار على وجه السمكه ونصب عليها كوب من الماء وتترك فى فرن متوسط الحراره نصف ساعه تقريبا ويمكن تغطيتها بورقه المونيوم اول 10دقائق ثم ننزع الورقه لتنشف من ميتها

تقدم مع الارز الابيض والسلطه الخضراء وبالهنا والشفا

للمعلومه هذه الوصفه تجربه ناجحه جدا خاصه بى وليست منقوله