القرص المصريه

من طرف **امه الله** الإثنين أبريل 06, 2009 9:29 am

القرص المصريه

من اجمل الوصفات للحلويات التقليديه المصريه المتوارثه من جيل لجيل
هى
القرص المصريه
**********************
المقادير
************
6 كوب دقيق -كوب ونصف سمن -نصف كوب زيت ذرة (ويمكن الاستغناء عنه لو بتحبى القرص تكون ناشفه)-ملعقه طعام سمسم - ملعقه طعام شمر -ملعقه صغيرة ملح - 3 ملاعق صغيرة خميرة فوريه -ملعقه صغيرة سكر - كوب ماء او حليب دافىء للعجن -ربع كوب ماء دافىء لتذويب الخميرة

الطريقه
****************
1/
نقدح السمن طيب ازاى اقولكم
ضعى مقدار السمن فى وعاء ومعه قطعه خبز شامى وابداى سخنى السمن على نار متوسطه حتى لا يحترق السمن بسرعه
انتظرى الى ان تحمر قطعه الخبز جيدا ...انشليها من السمن ....بكدة يبقى السمن اتقدح كويس

2/
نذوب الخميرة فى ربع كوب ماء دافى مضاف له ملعقه سكر وتترك لتخمر

3/
ننخل الدقيق مع الملح ونضعه فى وعاء زجاجى ومعه الشمر ونعمل حفرة فى الوسط نضع فيها السمسم

4/
عندما تقدح السمن جيدا يصب فى الحفرة ونبدا نقلب الدقيق على السمن والسمسم بسرعه بملعقه خشب<حتى لا يسود العجين لو استعملت معلقه اخرى> حتى يتشرب الدقيق كل السمن ويصبح كالفتافيت

5/
نترك الدقيق بالسمن ليبرد تماما ....مهم جدا

6/
بعد ان يبرد نبدا فى دعك الدقيق بالسمن على اليد (نبسسه)
وهذة الخطوة مهمه فى زيادة امتصاص الدقيق وتشبعه بالسمن واعطاء القرص القوام المثالى فى النهايه بعد خبزها يعنى كلما تبسى اكتر كلما كان اطرى واروع

7/
نضيف الخميرة ونصف كميه الماء او الحليب ونبدا نعجن باليد ونضيف الماء بالتدريج الى ان تتكون معنا عجينه ملساء ناعمه لا تلصق باليد ولا الاناء
اضافه الماء او الحليب تدريجيا نظرا لاختلاف انواع الدقيق من مكان لاخر
فى انواع بتتقبل السوائل وانواع لا وبالتالى تقدرى تتحكمى فى قوام العجينه

8/
غطى الوعاء واتركى العجينه تخمر لمدة ساعه
التشكيل

***************************************
يمكنك تشكيل القرص المصريه كالاتى
1-قرص مستديرة
بعد ان تخمر العجينه خدى منها اجزاء بحجم مناسب وكوريها واضغطى عليها قليلا
رصيها على مساقات متباعدة فى صينيه خبز قصيرة الحافه وعلى ورق زبدة
***********************
2- قراقيش مستطيله
افردى العجينه على اسطوانه
قطعى الاسطوانه الى اصابع بالورب

*****************************************************************
ممكن تستغنى عن الشمر وتستبدليه بالكمون الحصى المحمص ....طعمه رائع

*****************************************************************
لو تحبى القرص المحشيه بالعجوة
**************************
الحشو : عجوة + قرفه + سمسم محمص+ملعقه زبدة وتقلبيهم على النار لمده دقيقه

لو هاتعمليها قرص مستديرة محشيه
بتتحشى زى الكعك وتتقفل من تحت كويس

لو هاتعمليها اصابع
تفردى العجينه اسطوانه وتضغطى عليها تبططيها
شكلى العجوة اصابع وضعيها فى العجينه المفرودة ولفيى العجينه عليها واقفليها كويس وخللى القفله لتحت
اضغطى عليها وقطعيها اصابع متساويه الحجم
*************************************************
الخبز
تخبز فى فرن حرارته 200 لمدة 25 دقيقه
وممكن تعطيها لون اشقر خفيف نحن الشوايه

جربوها هاتعجبكم جدا
الف هنا